ယမင်းဖူးပွင့်အောင် ဇူလိုင် ၉၊ ၂၀၂၄။ စစ်ကိုင်းတိုင်း၊ ဟုမ္မလင်းမြို့တွင် စံချိန်တင်မြစ်ရေမြင့်တက်နေပြီး မြေနိမ့်ပိုင်းအိမ်များနှင့်ချင်းတွင်းမြစ်ကမ်းဘေးရှိ အိမ်များသည် ခေါင်မိုးအထိရေနစ်မြုပ်နေခြင်းကြောင့် သောက်သုံးရေများ အခက်အခဲများရှိနေသည်ဟု ပရဟိတအသင်းဝင်များထံက သိရသည်။ ပြီးခဲ့သည့် ဇူလိုင်လ ပထမပတ်အတွင်း မိုးသည်းထန်စွာရွာသွန်းမှုကြောင့် ချင်း တွင်းမြစ်ရေမြင့်တက်ကာ ဟုမ္မလင်းမြို့တွင် ရေကြီးရေလျှံမှုများဖြစ်ပေါ်လာခဲ့ခြင်းဖြစ်သည်။ “တစ်မြို့လုံးပဲ။ မြို့ပြင်ရော။ လွတ်တာဆိုလို့ တောင်ပေါ်ပေါ့နော်။…