ကောင်းချစ်အောင် ဖေဖော်ဝါရီ ၇ ၊ ၂၀၂၄။ မြန်မာနိုင်ငံအရှေ့မြောက်ဖျားဒေသမှာ ၁၀၂၇ စစ်ဆင်ရေးပေါ်ပေါက်လာပြီးနောက်ပိုင်းနိုင်ငံအနှံ့ကတိုင်းရင်းသား တော်လှန်ရေးတပ်ဖွဲ့တွေနဲ့ နွေဦးတော်လှန်ရေးကာလအတွင်းပေါ်ပေါက်လာခဲ့တဲ့ပြည်သူ့ကာကွယ်ရေးတပ်ဖွဲ့တွေက စစ်ကောင်စီကို ဘက်ပေါင်းစုံကနေ ထိုးနှက်တိုက်ခိုက်နေကြပါတယ်။ အဘက်ဘက်မှာစစ်မျက်နှာဖွင့်ထားရတဲ့ စစ်ကောင်စီဟာ တော်လှန်ရေးတပ်ဖွဲ့ပေါင်းစုံရဲ့ထိုးစစ်တွေအပြင် တော်လှန်ရေးတပ်ဖွဲ့တွေရဲ့ နယ်မြေသိမ်းအောင်ပွဲတွေကြောင့် အရင်ကအပြည့်အဝထိန်းချုပ်ထားနိုင်တဲ့နယ်မြေတွေ တဖြေးဖြေးကျုံ့ဝင်သွားပါတယ်။ စိုးမိုးနယ်မြေအများအပြားဆုံးရှုံးလာတာတဲ့ စစ်ကောင်စီဟာ နယ်စပ်ကုန်သွယ်ရေးတွေကရရှိနေတဲ့အကောက် ခွန်တွေအပြင် အဆိုပါဒေသတွေမှာရှိနေခဲ့တဲ့ ပြည်ပရင်းနှီးမြှပ်နှံမှုလုပ်ငန်းတွေကလည်းဝင်ငွေဆုံးရှုံးမှုတွေနဲ့…