ကလေးမြို့နယ်တွင်ဖြစ်ပွားသည့် တိုက်ပွဲ၌ ချင်းကာ ကွယ်ရေးတပ်ဖွဲ့ဝင် ၄ ဦး ကျဆုံး
******************
ထွယ်
ဖေဖော်ဝါရီ ၂၄၊ ၂၀၂၄။
ချင်းပြည်နယ်နှင့် နယ်နိမိတ်ချင်းထိစပ်နေသည့် စစ် ကိုင်းတိုင်း ကလေးမြို့နယ်တွင် စစ်ကောင်စီတပ်နှင့် ကာကွယ်ရေးတပ်ဖွဲ့ဝင်တို့ကြား တိုက်ပွဲပြင်းထန်နေပြီး ချင်းအမျိုးသားကာကွယ်ရေးတပ်ဖွဲ့ CNDF ၏ ဒုစစ်ဦးစီးချုပ်အပါအဝင် ရဲဘော် ၃ ဦး ကျဆုံးခဲ့သည်ဟု ကာကွယ် ရေးတပ်ဖွဲ့ဝင်များထံက သိရသည်။
ချင်းအမျိုးသားကာကွယ်ရေးတပ်ဖွဲ့ဝင် CNDF ၏ ဒုစစ်ဦးစီးချုပ်နှင့် ရဲမေ ၁ ဦး၊ ရဲဘော် ၁ ဦးသည် ယမန်နေ့ ဖေဖော်ဝါရီ ၂၃ ရက်တွင် တိုက်ပွဲစစ်ဆင်ရေးတစ်နေရာမှ တစ်နေရာသို့ ရွှေ့ပြောင်းသွားလာစဉ် ကလေးမြို့နယ်၊ မန်တော်ကျေးရွာအနီး၌ ခြုံခိုတိုက်ခိုက်ခံရပြီး ကျဆုံးခဲ့ရခြင်းဖြစ်သည်ဟု ချင်းအမျိုးသားအဖွဲ့ချုပ် CNO ၏ အထွေထွေအတွင်းရေးမှူးက သံလွင်ခက်ကို ပြောသည်။
ထို့ပြင် တိုက်ခိုက်ခံရသည့်နေရာတွင် ရဲမေနှင့် ရဲဘော်၏ ရုပ်အလောင်း မတွေ့ရှိရသဖြင့် ကျဆုံးသတင်းမှာ ရာ ခိုင်နှုန်းပြည့်အတည်ပြုရန် ခက်ခဲလျက်ရှိသည်ဟု သူက ဆက်ပြောသည်။
“ရဲမေ ၁ ယောက်နဲ့ ရဲဘော် ၁ ယောက်က ကျဖို့ ရာခိုင်နှုန်းတော့ များတယ်။ ဒါပေမယ့် ရွာကမြင်တဲ့သူက အ လောင်း ၁ လောင်းပဲ မြင်တယ်လို့ ပြောတဲ့အတွက်ကြောင့် ၁၀၀ မှာ ၁၀၀ ရာခိုင်နှုန်းအတည်မပြုနိုင်တာပေါ့။ ဒါပေမယ့် စစ်ဦးစီးချုပ်တော့ အဲ့မှာပဲ တစ်ခါတည်းပွဲချင်းကျသွားတယ်လို့တော့ ကျွန်တော်တို့ သတင်းရတယ်” ဟု ပြောသည်။
ထို့အတူ ဖေဖော်ဝါရီ ၂၂ ရက်ကလည်း ချင်းအမျိုးသားကာကွယ်ရေးတပ်ဖွဲ့ – CNDF ၏ ရဲဘော် ၁ ဦး ကလေးမြို့တောင်ပိုင်း စက္ကန့်ကျေးရွာတိုက်ပွဲတွင် မိုင်းနင်းမိကာ ကျဆုံးခဲ့သည်ဟု ချင်းအမျိုးသားအဖွဲ့ချုပ် – CNO ၏ အထွေထွေအတွင်းရေးမှူးက ပြောသည်။
စစ်ကိုင်းတိုင်း ကလေးမြို့နယ်တွင် စစ်ကောင်စီတပ်ဖွဲ့ဝင်များနှင့် ကာကွယ်ရေးတပ်ဖွဲ့ဝင်များကြား တိုက်ပွဲပြန် လည်ပြင်းထန်နေသည်မှာ ၃ ရက်ခန့်ရှိပြီဖြစ်ပြီး စစ်ကောင်စီ၏ လက်နက်ကြီးပစ်ခတ်မှုကြောင့် ကလေးမြို့တွင် ၂ ရက်အတွင်း ကလေးသူငယ်အပါအဝင် အရပ် သားပြည်သူ ၅ ဦး လက်နက်ကြီးကျည်ထိမှန်မှုကြောင့် သေဆုံးခဲ့ပြီး ဒဏ်ရာရရှိသူများလည်းရှိသည်ဟု ဒေသခံများထံက သိရသည်။
ထို့ပြင် ကလေးမြို့ ဗိုလ်ချုပ်လမ်းပေါ်ရှိ မြို့တွင်းပိုင်း ရပ်ကွက်များဖြစ်သည့် ကြို့သုံးပင် ရပ်ကွက်အပါအဝင် တာဟန်းရပ်ကွက်၊ တောင်ဖီလာရပ်ကွက်၊ တောင်ဇလပ်ရပ်ကွက်၊ လေးအိမ်စုကျေးရွာနှင့် မွန်းလိုင်ကျေးရွာက ဒေသခံများလည်း ဘေးလွတ်ရာသို့ ထွက်ပြေးတိမ်း ရှောင်နေရပြီး အချို့က နေအိမ်တွင်းပိတ်မိလျက်ရှိသည်ဟု ကလေးမြို့ ဒေသခံ ၁ ဦးက သံလွင်ခက်ကို ပြောသည်။
ပုံစာ – ချင်းအမျိုးသားကာကွယ်ရေးတပ်ဖွဲ့ CNDF ၏ ဒုစစ်ဦးစီးချုပ်အပါအဝင် ကျဆုံးရဲဘော် ၃ ဦး။
