ပန့်ခ်ဂီတနှင့် တော်လှန်ရေး
*******************
ညီညီသူ
ဇန်နဝါရီ ၁၈ ၊ ၂၀၂၄။
လူ့အခွင့်အရေးနှင့် ဒီမိုကရေစီရေးအတွက် တက်ကြွစွာပါဝင်လှုပ်ရှားခဲ့ကြသဖြင့်ပြည်ပသို့ထွက်ခွာခဲ့ရသော မြန်မာနိုင်ငံသားများထဲတွင် ဂီတသမားများလည်း ပါဝင်နေပါသည်။
အဆိုပါဂီတသမားများသည် ၎င်းတို့ဖန်တီးခဲ့သောဂီတများကတဆင့် မြန်မာနိုင်ငံတွင်းဖြစ်ပေါ်နေသောစစ်အာဏာရှင်စနစ်၊ လူမျိုးရေးခွဲခြားမှုနှင့် အစွန်းရောက်ဗုဒ္ဓဘာသာအမျိုးသားရေးဝါဒီများ၏အကြမ်းဖက်မှုများကို ဆန့်ကျင်ခဲ့ကြသည်။
အသက် ၃၃ နှစ်ရှိပြီဖြစ်သလို ပန့်ခ်ဂီတဝိုင်းတစ်ဝိုင်း၏ ပင်တိုင်အဆိုရှင်လည်းဖြစ်လိဒ်ဂီတာသမားလည်းဖြစ်သူ အိပ်မက်က”ရဟန်းတွေက ရဟန်းအလုပ်ကိုပဲ လုပ်သင့်တယ်” ဟုပြောသလို စစ်တပ်၊ ဘုန်းကြီးနှင့် မြန်မာနိုင်ငံရှိ ဗုဒ္ဓဘာသာဘုန်းကြီးများအနေဖြင့်
ဘာသာပေါင်းစုံယှဥ်တွဲနေထိုင်ရေးကိုသာ ဦးစားပေးသင့်သည်ဟု သူ့အမြင်များအား ယခုကဲ့သို့ပြောပြခဲ့သည်။
ပြည်သူအတွက် သူရဲကောင်းများဖြစ်ခဲ့ဖူးသော ရဟန်းတော်များ
*****************************************
အိပ်မက် သည် ၎င်း၏ဂီတဝိုင်းအား ၂၀၀၇ ၊ ရွှေဝါရောင်အရေးအခင်းအပြီးတွင် တည်ထောင်ခဲ့သည်။ရဟန်းတော် များဦးဆောင်ခဲ့သည် ရွှေဝါရောင်အရေးအခင်းသည် မြန်မာ့သမိုင်းတွင်ထင်ရှားသောစစ်အစိုးရဆန့်ကျင်ရေးလှုပ် ရှားမှုတစ်ခုဖြစ်ခဲ့သည်။
”လူတိုင်း လွတ်လပ်မှုကိုလိုချင်ကြတယ်။ လူတိုင်း လူသားတစ်ယောက်ရပိုင်ခွင့်ဖြစ်တဲ့ လူ့အခွင့်အရေးကိုလို ချင်ကြတယ်။ လူတိုင်း ဒီမိုကရေစီကိုလိုချင်ကြတယ်။ ရွှေဝါရောင်အရေးအခင်းကိုရဟန်းတော်တွေကဦးဆောင်ခဲ့ ကြတော့ အဲဒီအချိန်တုန်းကတော့ ရဟန်းတော်တွေဟာမြန်မာပြည်သူတွေရဲ့ သူရဲကောင်းတွေဖြစ်ခဲ့ကြတယ်”
တစ်ရက်မှာတော့ ဆန္ဒပြနေကြသောလူအုပ်ကြီးရှေ့မှောက်သို့ မြန်မာစစ်တပ်ရောက်ရှိလာခဲ့ပြီးလမ်းပေါ်က လူပေါင်းများစွာကို သေနတ်ဖြင့် ရက်ရက်စက်စက်ပစ်ခတ်ခဲ့လေသည်။ အိပ်မက်ရှေ့တွင်ပဲ လူပေါင်းများစွာကို စစ်တပ်က သတ်ဖြတ်ခဲ့လေသည်။ ယခုအသက်အရွယ်ထိ အိပ်မက်သည်မိမိရှေ့မှောက်၌လူသတ်သည့်အဖြစ်ကို ကြုံခဲ့ဖူးသူတစ်ယောက်မဟုတ်ပေ။ ထို့ကြောင့်လည်းများစွာကြောက်ရွံ့ထိတ်လန့်သွားခဲ့ရလေသည်။ ဝမ်းနည်း မိ သလို ဒေါသများတလိပ်လိပ်တက်ကာနာကျင်ခဲ့ရသည်။
ရွှေဝါရောင်အရေးအခင်းကြီးပြီးဆုံးပြီးနောက်မှာတော့ ထိုကဲ့သို့သော စစ်တပ်၏မတရားသတ်ဖြတ်မှုများကို ပြန် လည်တုံ့ပြန်ရန် ဘာလုပ်ကြမလဲဟု၎င်းတို့ကိုယ်တိုင်မေးခွန်းပြန်ထုတ်ခဲ့ကြသည်။ အိပ်မက်နှင့် သူ၏သူငယ်ချင်းများတွင် နိုင်ငံရေးအာဏာလည်းမရှိသလို လက်နက်အာဏာလည်းမရှိကြပါ။ ထို့ကြောင့် ဂီတနဲ့ဆိုရင်ကောဘယ်လိုနေမလဲဟု အချင်းချင်းမေးမြန်းခဲ့ကြလေသည်။
စင်စစ်တော့ ဂီတသည် ကြီးမားသောလက်နက်တစ်ခုဖြစ်သည်။ ဂီတဖြင့် လူငယ်များထံမိမိပြောလိုရာသတင်း စကားကို ပြောကြားနိုင်သည်။ ထို့ပြင် ဂီတသည်ကမ္ဘာသုံးဘာသာစကားလည်းဖြစ်၏။ ထို့ကြောင့် တန်းတူညီမျှ ရေး၊ တရားမျှတမှု၊ လူ့အခွင့်အရေးစသည့်ကိစ္စရပ်များအတွက် လူငယ်များအနေဖြင့် ဂီတကိုအသုံးပြုဖို့လိုအပ်ပါသည်။
ဘာသာရေးဖုံးလွှမ်းထားသော မြန်မာ့နိုင်ငံရေး
*****************************************
မြန်မာနိုင်ငံတွင် ၂၀၁၃ ခုနှစ်ကစ၍ ဘာသာရေးအမုန်းစကားများဖြန့်ချိလာခဲ့သည်။ဗုဒ္ဓဘာသာဝင်များနှင့် မူဆ လင်များကြား အပြန်အလှန်တိုက်ခိုက်ခဲ့ကြသည်။ ၂၀၂၁ ခုနှစ်အာဏာမသိမ်းခင်အချိန်မှာတော့ အစွန်းရောက် အမျိုးသားရေးဝါဒီများက”စစ်တပ်က
အာဏာသိမ်းပါ”ဟူ၍ပင် ကြွေးကြော်လာခဲ့တော့သည်။
တကယ်တော့ အဆိုပါကိစ္စရပ်များက ရိုင်းစိုင်းမှုများသာ ဖြစ်သည်။ ဘာသာရေးဆိုသည်ကတစ်ဦးတစ်ယောက် ချင်းနှင့်သာ သက်ဆိုင်သောကိစ္စတစ်ရပ်ဖြစ်သည်။ အုပ်စုဖွဲ့တွေးခေါ်ခြင်းများကဘာသာရေးမဟုတ်ပေ။
မြန်မာနိုင်ငံမှာတော့ ဘာသာရေးဆိုသည်ကတစ်ဦးတစ်ယောက်ချင်းနှင့်သက်ဆိုင်သောကိစ္စဆိုသည်ထက် အုပ်စု ဖွဲ့တွေးခေါ်ခြင်းများအပေါ်အခြေခံတည်ဆောက် ထားသောကြောင့် နိုင်ငံရေးသည်လည်း ဘာသာရေးဖုံးလွှမ်းထားသောနိုင်ငံရေးသာ ဖြစ်နေပေတော့သည်။
မြန်မာနိုင်ငံ၏နိုင်ငံရေးသမားများသည် လူများကိုထိန်းကျောင်းနိုင်မည့် နိုင်ငံရေးအာဏာကိုရရှိရန်ဘာသာရေးကို အသုံးချလျက်ရှိသည်။ စင်စစ်တော့ ဖွင့်ထားသောစိတ်မရှိသူများ သို့မဟုတ်ပညာမဲ့သူများကို ဘာသာရေးအသုံးချ ပြီး နိုင်ငံရေးအတွက်အသုံးချရန်က
အလွန်ကိုပင်လွယ်ကူသောကိစ္စဖြစ်သည်။
လူသားဆန်မှုကိုသာ ယုံကြည်ထားသော ပန့်ခ်သမားများ
******************************
နိုင်ငံရေးသမားများက နိုင်ငံရေးလုပ်ကြမည်သာဖြစ်၏။ နိုင်ငံရေးနည်းလမ်းကိုပန့်ခ်သမားများနားမလည်ကြသော် လည်း လူသားဆန်မှုကိုတော့ နားလည်ထားကြပါသည်။ အိပ်မက်လိုပန်ခ့်ဂီတသမားတွေအတွက်တော့ လူသား ဆန်မှုကိုသာ ယုံကြည်ထားကြပါသည်။
”ကျွန်တော့်အထင်တော့ မြန်မာနိုင်ငံရဲ့ ဗုဒ္ဓဘာသာဘုန်းကြီးတွေကြားမှာ အုပ်စု ၃ စုကွဲနေတယ်။ပထမအုပ်စုက ရွှေဝါရောင်တော်လှန်ရေးကာလတွေတုန်းက ဘုန်းတော်ကြီးတွေဖြစ်ပြီး သူတို့ကဒီမိုကရေစီကိုထောက်ခံကြ တယ်။ စစ်အာဏာရှင်တွေကို တော်လှန်ကြတယ်။ နောက်အုပ်စုတစ်စုကတော့စစ်တပ်ကို ထောက်ခံကြတယ်။ သူတို့ကို မဘသ လို့လည်းခေါ်ကြတယ်။ နောက်ဆုံးအုပ်စုကတော့နိုင်ငံရေးကိုလည်း စိတ်မဝင်စားကြဘူး။ သူတို့ စိတ်ဝင်စားတာက တရားအားထုတ်ဖို့နဲ့သူတို့ကိုယ်တိုင်ငြိမ်းချမ်းဖို့ပဲ။ ကျွန်တော်အဖို့တော့ မဘသဘုန်းကြီးတွေက ဖက်ဆစ်တွေပဲ”
အကယ်၍ လူတစ်ဦးတစ်ယောက်ကို မှောင်မိုက်နေသော အခန်းတစ်ခန်းအတွင်းသို့ တွန်းပို့ခဲ့မည်ဆိုပါစို့။မိမိတို့ အနေဖြင့် မှောင်မိုက်နေမှုနှင့်ပတ်သက်ပြီး ဆင်ခြေတစုံတရာပေးနေ၍မရပါ။ အရေးကြီးသည်ကမိမိကိုယ်ပိုင် အလင်းရောင်ဖြင့် ဖောက်ထွက်ကြဖို့သာဖြစ်ပေတော့သည်။
Ref: Aljazeera
