ပြင်းအား ၇.၇ အဆင့်ဖြင့် လှုပ်ခတ်ခဲ့သော ငလျင်ဘေးဒဏ်ကယ်ဆယ်ရေးနှင့် လူသားချင်းစာနာမှုဆိုင်ရာလုပ်ငန်းများ အမြန်လုပ်ဆောင်နိုင်ရန်အတွက်ဒေါ်လာ ၂သန်း ပေးအပ်လှူဒါန်းသွားမည်ဖြစ်ကြောင့် မြန်မာနိုင်ငံ ဩစတြေးလျသံရုံးက သတင်းထုတ်ပြန်သည်။
ဩစတြေးအစိုးရအနေဖြင့် အဆိုပါ ကနဦးဒေါ်လာ ၂ သန်းကို အပြည်ပြည်ဆိုင်ရာကြက်ခြေနီအဖွဲ့ International Committee of the Red Cross (ICRC) မှတစ်ဆင့် ပေးအပ်သွားမည်ဟု ဖော်ပြထားသည်။
သြစတြေးလျ၏အကူအညီသည် ICRC အနေနှင့် အရေးပေါ်ကျန်းမာရေးဆိုင်ရာအကူအညီများပေးအပ်ခြင်းအပါအဝင် အသက်ကယ်ဆယ်ရေးပံ့ပိုးမှုများကိုချက်ချင်းလုပ်ဆောင်နိုင်စေရန် အထောက်အကူဖြစ်စေမည်ဟု ထုတ်ပြန်ချက်တွင် ပါဝင်သည်။
အမိုးအကာ၊ အစားအစာနှင့် သောက်သုံးရေတို့ကဲ့သို့သော အဆောတလျင်လိုအပ်ချက်များကိုဖြည့်ဆည်းပေးနိုင်ရန်အတွက် UN Central Emergency Response Fund (CERF) မှ အမေရိကန်ဒေါ်လာ ၅ သန်းပေးအပ်ခြင်းကိုလည်း ၎င်းတို့အနေဖြင့် ကြိုဆိုသည်ဟု ရေးသားထားသည်။
သြစတြေးလျအနေဖြင့် မြန်မာစစ်အာဏာရှင်အဖွဲ့အစည်းထံသို့ မည်သည့်တိုက်ရိုက်အကူအညီမှပေးအပ်ခြင်းမရှိသည့်အပြင် မြန်မာနိုင်ငံအတွက် မိမိတို့၏အကူအညီများသည် စစ်အာဏာရှင်အဖွဲ့အစည်းကိုတရားဝင်စေမှုမဖြစ်စေရန် အသေအချာကြိုတင်ပြင်ဆင်ဆောင်ရွက်ပါသည်ဟု ယနေ့ မတ်လ ၃၀ ရက်နံနက်ပိုင်းတွင် သတင်းထုတ်ပြန်ခဲ့သည်။
ဓါတ်ပုံ – ကယ်ဆယ်ရေးလုပ်ငန်းများ မန္တလေးမြို့တွင် ဆောင်ရွက်နေစဉ်
