ရှမ်းပြည်တပ်မတော် SSA နှစ် ၆၀ ပြည့်အခမ်းအနား ဝမ်ဟိုင်းဌာနချုပ်တွင်ကျင်းပ
***********
သံလွင်ခက်
ဧပြီ ၂၄ ၊ ၂၀၂၄။
ရှမ်းပြည်တပ်မတော် – SSA ထူထောင်ခြင်း နှစ် ၆၀ ပြည့်အခမ်းအနားကို ယနေ့ ဧပြီ ၂၄ ရက်တွင် SSPP/SSA ဌာနချုပ်ဖြစ်သည့် ကျေးသီးမြို့နယ်၊ ဝမ်ဟိုင်းတွင်ကျင်းပခဲ့သည်။
အဆိုပါအခမ်းအနားသို့ SSPP/SSA ဥက္ကဋ္ဌ ဗိုလ်ချုပ်ကြီး ပန်ဖ နှင့် ရက္ခိုင့်တပ်တော် AA ၏ ဒု စစ်ဦးစီးချုပ် ဒေါက်တာညိုထွန်းအောင် တက်ရောက်ခဲ့သည်ဟု ဒေသတွင်းသတင်းမီဒီယာများတွင် ဖော်ပြထားသည်။
တက်ရောက်လာသည့် AA ဒုစစ်ဦးစီးချုပ် ဒေါက်တာညိုထွန်းအောင် က ဂုဏ်ပြုစကားပြောကြားခဲ့ပြီး ပအိုဝ်း အမျိုးသားလွတ်မြောက်ရေးအဖွဲ့ချုပ် – PNLO ၊ ရှမ်းတိုင်းရင်းသားများဒီမိုကရေစီအဖွဲ့ချုပ် – SNLD တို့က နှစ် ၆၀ ပြည့် အခမ်းအနားသို့ သဝဏ်လွှာအသီးသီးပေးပို့ခဲ့ကြသည်။
ရှမ်းပြည်တပ်မတော် SSA ကို ဗိုလ်ချုပ်နေဝင်း အာဏာသိမ်းပြီးနောက် ၂ နှစ်အကြာ ၁၉၆၄ ခုနှစ် ဧပြီ ၂၄ စတင် တည်ထောင်ခဲ့ခြင်းဖြစ်ပြီး ယနေ့ဆိုလျှင် တပ်ထူထောင်ခြင်း နှစ် ၆၀ ပြည့်မြောက်ခဲ့ပြီဖြစ်သည်။
ဓာတ်ပုံ – SSPP Info
************
Telegram – > https://thanlwinkhet.net/?p=9544
YouTube -> https://youtu.be/DEtRcu9PBI4
Website -> https://thanlwinkhet.net/?p=9544
