အောင်လအန်ဆန်းနဲ့ တရုတ်ဖိုက်တာ ယှဉ်ပြိုင်ထိုးသတ်မည်

သဇင်

မေ ၅၊၂၀၂၃။

အောင်လအန်ဆန်း နှင့် တရုတ်ဖိုက်တာ Fan Rong တို့ ယှဉ်ပြိုင်ထိုးသတ်မည့် ONE Fight Night 10 ပြိုင်ပွဲကို အမေရိကန်နိုင်ငံတွင် ကျင်းပမည်ဟု ပြိုင်ပွဲကျင်းပရေးအဖွဲ့အစည်းများထံက သိရသည်။

မေလ ၅ ရက်‌နေ့ ညပိုင်းအချိန်တွင် ONE Fight Night 10 ပြိုင်ပွဲကို အမေရိကန် စံတော်ချိန်အတိုင်းကျင်းပမည်ဖြစ်ရာ မြန်မာနိုင်ငံတွင် မေလ ၆ ရက် နံနက် ၇ နာရီခန့်တွင် ကြည့်ရှုနိုင်မည် ဖြစ်သည်။

ONE Fight Night 10 ပြိုင်ပွဲတွင် တွဲဆိုင်း (၁၁) ခုပါပြီး Bonus Card နှင့် Main Card ဟု ခွဲထားပြီး Aung La N Sang နှင့် Fan Rong တို့က Main Card တတိယမြောက်တွဲဆိုင်းတွင် ယှဉ်ပြိုင်ထိုးသတ်ရမည်ဖြစ်သည်။

အောင်လအန်ဆန်းသည် ၂၀၂၃ခုနှစ် ဇန်နဝါရီလ ၁၄ရက် ထိုင်းနိုင်ငံ ဘန်ကောက်မြို့တွင် ကျင်းပခဲ့သည့် ONE Fight Night 6 ပြိုင်ပွဲတွင် ဘရာဇီးဖိုက်တာ ဂါဗာဒိုကို ပထမအချီတွင် အလဲထိုးအနိုင်ရရှိထားသည်။

ထိုပွဲစဉ်မှာ ယခုနှစ်အတွင်း ပထမဆုံးပြန်လည် ယှဉ်ပြိုင်ထိုးသတ်သော ပွဲစဉ်တစ်ခုလည်းဖြစ်သည်။

အသက်(၃၈)နှစ် အရွယ်ရှိ အောင်လအန်ဆန်းသည်  (MMA)လက်ဝှေ့လောကထဲ စတင်ဝင်ရောက်ချိန်မှစပြီး ယနေ့ထိ ပြိုင်ပွဲပေါင်း (၄၂)ပွဲကို ယှဉ်ပြိုင်ထိုးသတ်ခဲ့ပြီး (၂၉)ပွဲအနိုင်ရကာ (၁၃)ပွဲ ရှုံးနိမ့်ထားသည်။

‌တရုတ်ဖိုက်တာ Fan Rongသည် အသက် (၂၉) နှစ်ရှိပြီး ပြိုင်ပွဲပေါင်း(၂၂)ပွဲ ယှဉ်ပြိုင်ခဲ့ရာ (၁၉)ပွဲအနိုင်ရကာ ( ၃)ပွဲ ရှုံးနိမ့်ထားသူဖြစ်သည်။

Photo-Crd

*****************

အောက်ဖော်ပြပါလင့်တွေမှာ သတင်းမှန်များ လွတ်လပ်မြန်ဆန်စွာ ဖတ်ရှုနိုင်ပါပြီ။

Telegram – > https://t.me/newstlk/928

YouTube -> https://youtu.be/zxRTM_OZtf4

Website -> https://thanlwinkhet.net/?p=4057

Website ->https://eng.thanlwinkhet.net