မုန်းမြို့နယ်တိုက်ပွဲ စစ်ကောင်စီတပ် ၇၀ ကျော်သေ၊ ၈၀ နီးပါးဒဏ်ရာရ

မုန်းမြို့နယ်တိုက်ပွဲ စစ်ကောင်စီတပ် ၇၀ ကျော်သေ၊ ၈၀ နီးပါးဒဏ်ရာရ

*******************************

သံလွင်ခက်

ဇန်နဝါရီ ၂၈ ၊ ၂၀၂၄ ။

မုန်းမြို့နယ်အတွင်းသို့ စစ်ကြောင်းထိုးလာသည့် စစ်ကောင်စီတပ်စစ်ကြောင်းနှင့် ကရင်အမျိုးသားလွတ်​မြောက်​ရေးတပ်မ​တော် KNLAဦး​ဆောင်​သော​တော်လှန်​ရေးပူး​ပေါင်းစစ်​ကြောင်းတို့ရင်ဆိုင်တိုက်ပွဲဖြစ်ပွားခဲ့ရာ စစ်​ကောင်စီတပ်ဖွဲ့ဘက်မှအများအပြား ​သေဆုံးဒဏ်ရာရရှိခဲ့သည်ဟု KNLA ဗဟိုက ယနေ့တွင် သတင်းထုတ်ပြန်သည် ။

ကရင်အမျိုးသားအစည်းအရုံး ​ကေအဲန်ယူ၊  ခလယ်လွီထူခရိုင် ၊ တပ်မဟာ (၃) လက်​အောက်ခံ တပ်ရင်း(၈) နယ်​​မြေ မုန်းမြို့နယ် အကြပ်အင်းရွာသို့စစ်​ကြောင်းထိုးလာ​သော စစ်​ကောင်စီတပ်စစ်​ကြောင်းနှင့် KNLA ဦး​ဆောင်​သော ရိုးမပူး​ပေါင်းစစ်​ကြောင်းတပ်ဖွဲ့တို့ ဇန်နဝါရီလ ၂၂ရက်တွင် တိုက်ပွဲဖြစ်ပွားခဲ့သည်။

အဆိုပါ ရင်ဆိုင်တိုက်ပွဲသည် နံနက် ၅း၃၀ နာရီအချိန်မှည​နေ ၅း၃၀နာရီအချိန်အထိ တနေကုန်ပြင်းထန်ဖြစ်ပွားခဲ့ပြီး စစ်​ကောင်စီတပ်ဘက်မှ (၇၂) ဦး​သေဆုံးကာ (၇၈)ဦး ထိခိုက်ဒဏ်ရာရရှိခဲ့​သည်ဟု ထုတ်ပြန်ချက်တွင်ဖော်ပြထားသည်။

သေဆုံးသွား​သောစစ်ကောင်စီတပ်ဖွဲ့ဝင်များတွင်  အင်ဂျင်နီယာတပ်ဖွဲ့များနှင့် ရဲတပ်ဖွဲ့ဝင်များအများဆုံးပါဝင်သည်ဟု KNLA ဗဟိုကသတင်းထုတ်ပြန်သည် ။

*****************

အောက်ဖော်ပြပါလင့်များတွင် သတင်းမှန်များ လွတ်လပ်မြန်ဆန်စွာ ဖတ်ရှုနိုင်ပါပြီ။

Telegram – > https://t.me/newstlk/3177

YouTube – > https://youtu.be/cZ9bsHWX2EU

Website – > https://thanlwinkhet.net/?p=7336