၉၈နှစ်အရွယ် NLD နာယက သူရဦးတင်ဦး ကွယ်လွန်
****************
သံလွင်ခက်
ဇွန် ၁၊ ၂၀၂၄။
အမျိုးသားဒီမိုကရေစီအဖွဲ့ချုပ် NLD ပါတီ၏ နာယကဖြစ်သူ သူရဦးတင်ဦးသည် ယနေ့နံနက်ပိုင်းတွင် ရန်ကုန်ဆေးရုံကြီး၌ ကွယ်လွန်သွားပြီဟု နီးစပ်သူများထံမှ သိရသည်။
မေလ ၂၉တွင် ကျန်းမာရေးချို့ယွင်းမှုကြောင့် ရန်ကုန်ဆေးရုံကြီး အထူးကြပ်မတ်ဆောင်တွင် ကုသမှုခံယူနေပြီး သုံးရက်အကြာ ယနေ့နံနက် ၈နာရီခွဲခန့်တွင် ကွယ်လွန်သွားသည်ဟု သိရသည်။
ကွယ်လွန်ချိန်တွင် အသက် ၉၈ နှစ်ရှိပြီး နှလုံးရောဂါဖြင့် ကွယ်လွန်သွားသည်ဟု ဆိုသည်။
သူရဦးတင်ဦးသည် ၁၉၇၄ ခုနှစ် မတ်လမှ ၁၉၇၆ ခုနှစ် မတ်လအထိ တပ်မတော်ကာကွယ်ရေး ဦးစီးချုပ် ရာထူး ထမ်းဆောင်ခဲ့ပြီး NLD ပါတီကို ဦးဆောင်တည်ထောင်သူတစ်ဦးလည်း ဖြစ်သည်။
စစ်သားဘဝတွင် ဇေယျကျော်ထင်နှင့် သူရဘွဲ့ရခဲ့သူ ဦးတင်ဦးသည် ၁၉၈၈တွင် ပါတီဥက္ကဌအဖြစ် တစ်နှစ်ကြာ တာဝန်ထမ်းဆောင်ခဲ့သူလည်း ဖြစ်သည်။။
****
Telegram – > https://t.me/ThanLwinKhetNews/4711
YouTube -> https://youtu.be/b23CL15_vH0
Website -> https://thanlwinkhet.net/?p=10288
