ကော့ကရိတ်မြို့ တိုက်ပွဲအတွင်း ကျားဖြူစစ်ကြောင်းက တပ်ဖွဲ့ဝင် ၄ ဦးကျဆုံး
***********
သံလွင်ခက်။
ဧပြီ ၂၁ ၊ ၂၀၂၄။
ကရင်ပြည်နယ်၊ ကော့ကရိတ်မြို့ တိုက်ပွဲအတွင်း ကျားဖြူစစ်ကြောင်း တပ်ခွဲ (၁)မှ ကာကွယ်ရေးတပ်ဖွဲ့ဝင် ၄ ဦး ကျဆုံးခဲ့သည်ဟု ကျားဖြူတပ်ခွဲ (၁) သတင်းနှင့် ပြန်ကြားရေးအဖွဲ့က ယနေ့ညတွင် ထုတ်ပြန်သည်။
ဧပြီ ၁၉ ရက်မှ ၂၁ ရက် ၃ ရက်တာအတွင်း ကာကွယ်ရေးတပ်ဖွဲ့ဝင် ၄ ဦး ကျဆုံးခဲ့ခြင်းဖြစ်သည်။
ကော့ကရိတ်မြို့တွင်းတိုက်ပွဲအတွင်း ကျားဖြူစစ်ကြောင်း တပ်ခွဲ (၁) မှ ဧပြီ ၁၉ ရက်တွင် ရဲဘော် စံထွန်း (ခ) စဝီရာဝင်း၊ ဧပြီ ၂၀ရက်တွင် ရဲဘော် အချောကြီး (ခ) သုတစိုးနှင့် ရဲဘော်ပန်းချီဆရာ (ခ) အောင်သင်္ကြန်၊ ဧပြီ ၂၁ ရက်တွင် ရဲဘော် ဝတုတ် (ခ) ဇင်မင်းအောင်တို့ ကျဆုံးခဲ့ခြင်းဖြစ်သည်ဟု ကျားဖြူတပ်ခွဲ (၁) သတင်းနှင့် ပြန်ကြားရေးအဖွဲ့၏ ထုတ်ပြန်ချက်အရသိရသည်။
