TNLA ထံ စစ်သင်တန်းတက်ရောက်ခဲ့သည့် မွန်ပြည်လွတ်မြောက်ရေးတပ်တော်

TNLA ထံ စစ်သင်တန်းတက်ရောက်ခဲ့သည့် မွန်ပြည်လွတ်မြောက်ရေးတပ်တော်

************************************

သဇင်

ဖေဖော်ဝါရီ ၂၈၊၂၀၂၄။

စစ်တပ်အာဏာသိမ်းယူခဲ့သည့် တော်လှန်ရေးကာလအတွင်း အာဏာသိမ်းစစ်တပ်ကို ဆန့်ကျင်တော်လှန်ရန် ထွက်ပေါ်ခဲ့သော မွန်ပြည်လွတ်မြောက်ရေးတပ်တော် – MLA သည် တအာင်းအမျိုးသားလွတ်မြောက်ရေးတပ်မ တော် – TNLA ထံ စစ်သင်တန်းတက်ရောက်ခဲ့သည်ဟု  သိရသည်။

MLA သည် ၂၀၂၂ ခုနှစ် အောက်တိုဘာလကတည်းက TNLA ထံ စစ်သင်တန်းသွားရောက်ခဲ့ပြီး ယင်းစစ်သင်တန်း ကို  ၁ နှစ် ကျော်ကြာတက်ရောက်ခဲ့သည်ဟု ဆိုသည်။

မြန်မာနိုင်ငံမြောက်ပိုင်းတွင် စစ်ရေးလှုပ်ရှားနေသည့် TNLA သည် မြောက်ပိုင်းညီနောင်မဟာမိတ်အဖွဲ့ဝင်ဖြစ်သည့်အပြင် အင်အားတောင့်တင်းသည့် အဖွဲ့အစည်းလည်းဖြစ်တာကြောင့် ယင်းအဖွဲ့များဖြင့် မဟာမိတ်ဖွဲ့နိုင်ခြင်းက မွန်တော်လှန်ရေးအတွက်လည်း အလားအလာကောင်းများရှိလာနိုင်သည်ဟု မွန်ပြည်လွတ်မြောက်ရေးတပ် တော် – MLA အတွင်းရေးမှူး နိုင်မာဃ က သံလွင်ခက် ကိုပြောသည်။

“မြန်မာပြည်မြောက်ပိုင်းနဲ့ တောင်ပိုင်းအနေအထားအရဆိုရင် လက်ရှိအခြေအနေမှာ မြောက်ပိုင်းက လက်နက် အင်အားတောင့်တင်းတာပေါ့။ အဲလိုလက်နက်အင်အားတောင့်တင်းတဲ့မြောက်ပိုင်းကို မဟာမိတ်ဖွဲ့နိုင်ခဲ့ရင် အများကြီးအဆင်ပြေနိုင်ခြေရှိတာပေါ့” ဟု ဆိုသည်။

တအာင်းပလောင်ဆိုသည်မှာ မွန်-ခမာအနွယ်မှ ဆင်းသက်လာခြင်းဖြစ်ပြီး မွန်တိုင်းရင်းသားနှင့် ညီအစ်ကိုသဖွယ် ဖြစ်သည့်အတွက် ယခုလို မဟာမိတ်ဖွဲ့နိုင်ခဲ့တာဂုဏ်ယူသလို တအာင်းတပ်မတော်၏အောင်မြင်မှုကိုလည်း ဝမ်း သာဂုဏ်ယူမိသည်ဟု သူက ဆက်ပြောသည်။

မွန်တော်လှန်ရေးအောင်မြင်မှုအစပြုရန်မှာ မဟာမိတ်စုဖွဲ့နိုင်ခြင်းကလည်း အရေးပါသည့်အခန်းကဏ္ဍတွင်ပါဝင် နေပြီး အင်အားကြီးရန်သူကို မဟာမိတ်စစ်ရေးနည်းဗျူဟာဖြင့်သာ တိုက်ထုတ်နိုင်မည်ဟု မွန်ပြည်ကာကွယ်ရေး တပ် ဥက္ကဋ္ဌ ‌ဒေါက်တာသီရိမွန်ချမ်း ကဆိုသည်။

“MLA က TNLA ဆီ စစ်သင်တန်းသွားတက်ပြီး မဟာမိတ်ဖွဲ့နိုင်ခဲ့တယ်ဆိုတာက စစ်ရေးအမြင်နဲ့ကြည့်ရင် ဒီလို မဟာမိတ်ဖြစ်တာထက် ပိုပြီးကျယ်ပြန့်ပါတယ်။ ဒါကလည်း စစ်ရေးမဟာဗျူဟာ တစ်ရပ်လို့ပဲမြင်ပါတယ်။ စစ်ရေး အရ သမိုင်းကိုပြန်ကြည့်မယ်ဆိုရင်လည်း မဟာမိတ်ဖွဲ့ခြင်းက အလွန်ကိုအရေးပါတယ်ဆိုတာ တွေ့ရမှာပါ။ အင်အားကြီးတဲ့ရန်သူကို မဟာမိတ်စစ်ရေးဗျူဟာလို့ခေါ်တဲ့ နည်းဗျူဟာနဲ့ပဲ တိုက်မှရမှာပါ”ဟုဆိုသည်။

ယင်းအပြင် မွန်ပြည်လွတ်မြောက်ရေးတပ်တော်သည် ကျည်တစ်ထောင့်မျှဖောက်စရာမလိုဘဲ စစ်ကောင်စီထိန်း ချုပ်နယ်မြေဖြစ်သည့် မွန်ကျေးရွာများတွင် မွန်အမျိုးသားအလံ စိုက်ထူနိုင်ခဲ့သည်အပြင် အင်အားကြီးတိုင်းရင်း သားလက်နက်ကိုင်အဖွဲ့နှင့် မဟာမိတ်ဖွဲ့နိုင်ခဲ့သည့် ပထမဦးဆုံး မွန်လက်နက်ကိုင် အဖွဲ့အစည်းတစ်ခုလည်းဖြစ် သည်။

ဓာတ်ပုံ – MLA

ပုံစာ – မွန်ပြည်တော်လှန်ရေးတပ်တော် တပ်ဖွဲ့ဝင်များ။

************

အောက်ဖော်ပြပါလင့်များတွင် သတင်းမှန်များ လွတ်လပ်မြန်ဆန်စွာ ဖတ်ရှုနိုင်ပါပြီ။

Telegram – >  https://t.me/newstlk/3556

YouTube – > https://youtu.be/eEaLA1Cu5r0

Website – > https://thanlwinkhet.net/?p=7982