စစ်ကား၄စီးနှင့်တပ်စခန်း၂ ခုကို TNLA က ယနေ့ထပ်မံသိမ်းပိုက်
******************************
သံလွင်ခက်
နိုဝင်ဘာ ၅ ၊ ၂၀၂၃ ။
ရှမ်းပြည်နယ်မြောက်ပိုင်း နမ့်ခမ်းမြို့နယ်နှင့်နမ္မတူမြို့နယ်ရှိ စစ်ကောင်စီတပ်စခန်း ၂ ခုနှင့် စစ်ကား၄စီးတို့ကို ယနေ့ နံနက်အစောပိုင်း စစ်ဆင်ရေးအတွင်း ထပ်မံသိမ်းပိုက်ရရှိခဲ့သည်ဟု တအာင်းတပ်မတော် PSLF/TNLA သတင်းထုတ်ပြန်သည် ။
တအာင်းပြည်နယ်၊ တပ်မဟာ (၃)စစ်ဒေသ၊ နမ့်ခမ်းမြို့နယ်၊ မိုင်းဝီးကျေးရွာအုပ်စုရှိ စစ်ကောင်စီ၏ မန်ဝင်တပ်စခန်းကို နိုဝင်ဘာလ ၅ ရက်နေ့ နံနက် (၆း၀၀)နာရီအချိန်တွင်လည်းကောင်း ၊ ) တပ်မဟာ(၄) စစ်ဒေသ၊ နမ္မတူမြို့နယ်၊ ပန်သပြေကျေးရွာရှိ စစ်ကောင်စီ၏ တပ်စခန်းကို ယနေ့နံနက်( ၆း၀၀) နာရီအချိန်တွင်လည်းကောင်း တအာင်းတပ်မတော် PSLF/TNLA မှ တိုက်ခိုက်သိမ်းပိုက်နိုင်ခဲ့သည်။
ထို့ပြင် တပ်မဟာ(၄) စစ်ဒေသ၊ လားရှိုးနှင့် သိန္နီကြား (၁၄ မိုင် နှင့် ၁၅မိုင်)ကြားရှိ နမ့်တွန်ကျေးရွာတွင် စစ်ကား (၄)စီးဖြင့် စစ်ကူရောက်လာသော စစ်ကောင်စီတပ်ကို ယနေ့ နံနက် (၅း၀၀)နာရီ အချိန်တွင် တအာင်းတပ်မတော် PSLF/TNLA မှ ဖြတ်တိုက်ခဲ့ရာ လက်နက် (၂)လက်၊ စစ်အသုံးဆောင်ပစ္စည်းများနှင့် စစ်ကား (၄)စီး သိမ်းဆည်းရခဲ့မိသည်။
တအာင်းတက်မတော် TNLAသည် ယမန်နေ့တွင်လည်း လားရှိုးမြို့နယ်ရှိ မိုင်းကျတ်တပ်စခန်း၊ စစ်ကောင်စီလက်အောက်ခံ ဂျာယန် ပ.သ.စ စခန်းတို့နှင့် တပ်မဟာ(၂)စစ်ဒေသ၊ မိုးမိတ်မြို့နယ်ရှိ မိုးလိုတပ်စခန်းတို့ကို တိုက်ခိုက်သိမ်းပိုက်နိုင်ခဲ့သည် ။
*********
အောက်ဖော်ပြပါလင့်များတွင် သတင်းမှန်များ လွတ်လပ်မြန်ဆန်စွာ ဖတ်ရှုနိုင်ပါပြီ။
Telegram – > https://t.me/newstlk/2312
YouTube- > https://youtu.be/SpxIBpTYop8
Website -> https://thanlwinkhet.net/?p=6080
