ရွှေဘိုနယ်ဘုန်းဘွဲ့ရွာတိုက်ပွဲ PDF သုံးဦးကျဆုံး
****************************
ဖေဖော်ဝါရီ ၂ ၊ ၂၀၂၃ ။
စစ်ကိုင်းတိုင်းဒေသကြီး၊ ရွှေဘိုမြို့နယ် ဘုန်းဘွဲ့ကျေးရွာတွင် ဖြစ်ပွားခဲ့သောထိတွေ့တိုက်ပွဲ၌ BLACK WOLF – ARMYတပ်မှ တပ်စုမှူးတစ်ဦးအပါအဝင်ရဲဘော် ၃ ဦးကျဆုံးခဲသည်။
ယမန်နေ့ ဖေဖော်ဝါရီလ ၂ရက်၊ နေ့လည် ၁နာရီခန့်တွင် ဘုန်းဘွဲ့ကျေးရွာအနီးသို့စစ်ကြောင်းထိုးလာသော စစ်ကောင်စီတပ်ဖွဲ့ဝင်များနှင့် BLACK WOLF – ARMY တပ်ဖွဲ့တို့ ထိတွေ့တိုက်ပွဲဖြစ်ပွားခဲ့သည်။
ထိတွေ့တိုက်ပွဲသည် မိနစ် ၃၀ ခန့်အကြာ အပြန်အလှန်ပစ်ခတ်မှုဖြစ်ပွားခဲ့ပြီး BLACK WOLF – ARMYတပ်မှ ရဲဘော် ပိုင်လေး ( တပ်စုမှူး )၊ ရဲဘော် ခန့်သီဟ ( Fundrising and Photographer ) နှင့် ရဲဘော် ဝင်းစိုးတို့ ကျဆုံးခဲ့သည်။
ကျဆုံးရဲဘော်များအတွက် အထူးပင် ဝမ်းနည်းမိပြီး မြင့်မြတ်စွာ အသက်ပေးလှူ ခဲ့ရသော ရဲဘော်များကိုယ်စား လက်စားချေတိုက်ခိုက်သွားမည်ဟု BLACK WOLF – ARMY တပ်က ထုတ်ပြန်သည်။
