ကရင်ပြည်နယ်၊ မြဝတီမြို့တောင်ဘက်ခြမ်းရှိ ဖလူးလေးမှ စုကလိအထိ အတွင်းဒေသများကို မည်သည့်လက်နက်ကိုင်အဖွဲ့မဆို ဖြတ်သန်းသွားလာခွင့်မပြုဟု နိုဝင်ဘာ ၂၆ တွင် ထုတ်ပြန်ထားသော ကန့်သတ်မှုကို ဒီမိုကရေစီအကျိုးပြုကရင့်တပ်မတော်(DKBA)က ယနေ့တွင် ပြန်လည် ပယ်ဖျက်ခဲ့သည်။
ယခုကဲ့သို့ ပြန်လည်ရုတ်သိမ်းရခြင်းမှာ နယ်မြေတည်ငြိမ်အေးချမ်းရေးကို ရှေ့ရှုကာ ဆောင်ရွက်ရခြင်းဖြစ်သည်ဟု ဖော်ပြထားသည်။
၎င်းဒေသသည် ကရင်အမျိုးသားအစည်းအရုံးသတ်မှတ်ချက်၊ တပ်မဟာ ၆ နယ်မြေအတွင်းဖြစ်ပြီး ကရင်လက်နက်ကိုင်များ ခွဲထွက်လာသည့်နောက်ပိုင်းတွင် DKBA ထိန်းချုပ်နယ်မြေအဖြစ် တည်ရှိနေခဲ့သည်။
လက်ရှိအချိန်တွင် အဆိုပါ နယ်မြေဒေသအတွင်း၌ ကရင်အမျိုးသားအစည်းအရုံး(KNU)၊ ကရင်အမျိုးသားလွတ်မြောက်ရေးတပ်မတော်(KNLA)၊ ကရင်နယ်ခြားစောင့်တပ်/ကရင်အမျိုးသားတပ်မတော်(BGF/KNA)၊ ဒီမိုကရေစီအကျိုးပြုကရင့်တပ်မတော်(DKBA)၊ တော်လှန်ရေးပူးပေါင်းတပ်များ(PDF)၊ ကော်သူးလေတပ်မတော်(KTLA)တို့ ကူးလူးသွားလာနေသော ဒေသဖြစ်သဖြင့် DKBA ၏ ထုတ်ပြန်ချက်သည် ဒေသခံပြည်သူများအကြားတွင် စိုးရိမ်စရာအခြေအနေတစ်ခုအဖြစ် ရှိနေခဲ့သည်။
ဓါတ်ပုံ – ကိုဏီတာ
#DKBA #ဖလူး #ဝေါလေ #စုကလိလမ်းပိုင်း #ပိတ်ပင်မှု #ပြန်လည်ရုတ်သိမ်း #ThanLwinKhetNews
