စစ်ကောင်စီက ကျင်းပမည့် ၂၀၂၅ ဒီဇင်ဘာ ၂၈ ရက်တွင် အထွေထွေ ရွေးကောက်ပွဲ အပိုင်း ၁ တွင် ပါဝင်မည့် မြို့နယ် ၁၀၂ မြို့နယ်အား မြန်မာနိုင်ငံရွေးကောက်ပွဲကော်မရှင်မှ ထုတ်ပြန်လိုက်သည်။ စစ်ကောင်စီမှ ဦးစီးကျင်းပမည့် ရွေးကောက်ပွဲ အပိုင်း ၁ အား တိုင်းနှင့်ပြည်နယ် ၁၅ ခုလုံးတွင် ကျင်းပမ်ဖြစ်သော်လည်း မြို့နယ်များအား ရွေးချယ်သတ်မှတ်ထားသည်ကို တွေ့ရသည်။
ကချင်ပြည်နယ်တွင် တနိုင်း၊ ခေါင်လန်ဖူး၊ နောင်မွန်း၊ ပူတာအို၊ မိုးညှင်းနှင့် မြစ်ကြီးနား စုစုပေါင်း ၆ မြို့နယ်၊ ကယား (ကရင်နီ)တွင် ဘောလခဲနှင့် လွိုင်ကော် စုစုပေါင်း ၂ မြို့နယ်၊ ကရင်တွင် ဘားအံ့၊ မြဝတီနှင့် သံတောင်ကြီး စုစုပေါင်း ၃ မြို့နယ်တွင် ကျင်းပမည်ဖြစ်သည်။
ချင်းပြည်နယ်တွင် တီးတိန်နှင့် ဟားခါး ၂ မြို့နယ်၊ စစ်ကိုင်းတိုင်းတွင် လေရှီး၊ လဟယ်၊ နန်းယွန်း၊ ကလေး၊ ကသာ၊ ကန့်ဘလူ၊ ခန္တီး၊ စစ်ကိုင်း၊ တမူး၊ မုံရွာ၊ ရွှေဘိုနှင့် ဟုမ္မလင်း စုစုပေါင်း ၁၂ မြို့နယ်၊ တနင်္သာရီတွင် ကော့သောင်း၊ ထားဝယ်၊ ဘုတ်ပြင်းနှင့် မြိတ် စုစုပေါင်း ၄ မြို့နယ်၊ ပဲခူးတိုင်းတွင် ညောင်လေးပင်၊ တောင်ငူ၊ နတ်တလင်း၊ ပဲခူး၊ ပြည်၊ ရွှေတောင်၊ လက်ပံတန်းနှင့် သာယာဝတီ စုစုပေါင်း ၈ မြို့နယ်တွင် ကျင်းပသွားမည်ဟု ပြည်ထောင်စု ရွေးကောက်ပွဲကော်မရှင်မှ ထုတ်ပြန်ထားသည်။
မကွေးတိုင်းတွင် ချောက်၊ရေနံ့ချောင်း၊ ပခုက္ကူ၊ တောင်တွင်းကြီး၊ မကွေး၊ ပွင့်ဖြူ၊ မင်းဘူး၊ သရက်နှင့် အောင်လံ စုစုပေါင်း ၉ မြို့နယ်၊ မန္တလေးတိုင်းတွင် ကျောက်ဆည်၊ ညောင်ဦး၊ ပြင်ဦးလွင်၊ ချမ်းအေးသာစံ၊ မိထ္ထီလာ၊ ပျော်ဘွယ်၊ ရမည်းသင်းနှင့် အောင်မြေသာစံ စုစုပေါင်း ၈ မြို့နယ်တွင် ရွေးကောက်ပွဲ အပိုင်း ၁ အား ကျင်းပသွားမည် ဖြစ်သည်။
မွန်ပြည်နယ်တွင် ကျိုက်ထို၊ ကျိုက်မရော၊ ချောင်းဆုံ၊ မော်လမြိုင်နှင့် သထုံ စုစုပေါင်း ၅ မြို့နယ်၊ ရခိုင်တွင် ကျောက်ဖြူ၊ စစ်တွေနှင့် မာန်အောင် စုစုပေါင်း ၃ မြို့နယ်၊ ရန်ကုန်တွင် ကမာရွက်၊ ကျောက်တံတား၊ တိုက်ကြီး၊ တံတွေး၊ ဒဂုံမြို့သစ် (တောင်ပိုင်း)၊ ဗိုလ်တထောင်၊ မရမ်းကုန်း၊ မင်္ဂလာဒုံ၊ မှော်ဘီ၊ သင်္ဃန်းကျွန်း၊ သန်လျင်နှင့် အလုံ စုစုပေါင်း ၁၂ မြို့နယ်တွင် ကျင်းပမည်ဖြစ်သည်။
ရှမ်းပြည်နယ်တွင် ပင်းတယ၊ ဟိုပုံး၊ နောင်ချို၊ ကျိုင်းတုံ၊ တာချီလိတ်၊ တောင်ကြီး၊ နမ့်စန်၊ မူဆယ်၊ လားရှိုး၊ လင်းခေးနှင့် လွိုင်လင် စုစုပေါင်း ၁၂ မြို့နယ်၊ ဧရာဝတီတိုင်းတွင် ကျုံပျော်၊ ပုသိမ်၊ မအူပင်၊ မြောင်းမြ၊ ကြံခင်း၊ မြန်အောင်၊ လပွတ္တာနှင့် ဟင်္သာတ စုစုပေါင်း ၈ မြို့နယ်၊ နေပြည်တော်တွင် ဇေယျသီရိ၊ ပုဗ္ဗသီရိ၊ ဇဗ္ဗုသီရိ၊ လယ်ဝေး၊ တပ်ကုန်းနှင့် ဥတ္တရသီရိ စုစုပေါင်း ၈ မြို့နယ်တွင် ကျင်းပမည်ဟု ထုတ်ပြန်ထားသည်။
ဒီမိုကရေစီ နည်းလမ်းအရ ရွေးကောက်ပွဲကျင်းပထားသည့် ၂၀၂၀ ရွေးကောက်ပွဲ ရလာဒ်အား ပယ်ဖျက်ပြီး အာဏာသိမ်းထားကာ ယခု ထပ်မံ၍ စစ်ကောင်စီမှ ဦးစီး၍ ရွေးကောက်ပွဲ ကျင်းပမည့် အခြေအနေအား လုံးဝ လက်ခံနိုင်ဖွယ် မရှိဟု နိုင်ငံရေးတက်ကြွလှုပ်ရှားသူများမှ သုံးသပ်ထားသည်။
