ကေအဲန်ယူ−ကရင်အမျိုးသားအစည်းအရုံး၊ ကော်သူးလေအုပ်ချုပ်နယ်မြေ၊ တပ်မဟာ (၆)၊ ကော့ကရိတ်မြို့နယ်အတွင်း ကနဲလေးတပ်စခန်းအား ၃၅ နာရီအကြာ တိုက်ခိုက်ပြီးနောက် သိမ်းပိုက်နိုင်ခဲ့ကာ သိမ်းဆည်းရမိသည့် လက်နက်များကို KNU ထုတ်ပြန်အတည်ပြုခဲ့သည်။
စစ်ကောင်စီတပ်များ ဝင်ရောက် ကျူးကျော် တပ်စွဲထားသည့် ကနဲလေး တပ်စခန်းကို မေလ ၂၇ ရက် မနက် ၇ နာရီတွင် စတင်တိုက်ခိုက်ခဲ့ပြီး ၂၈ ရက် ညနေ ၆ နာရီအချိန်တွင် တပ်မဟာ (၆) ဦးဆောင်သော ကရင်အမျိုးသားလွတ်မြောက်ရေးတပ်မတော် (K.N.L.A) ကရင်အမျိုးသားကာကွယ်ရေးတပ်ဖွဲ့ (K.N.D.O) နှင့် ပြည်သူ့ကာကွယ်ရေးတပ်မတော် (P.D.F) တို့မှ ပြန်လည် တိုက်ခိုက်သိမ်းပိုက်နိုင်ခဲ့သည်ဟု ထုတ်ပြန်ချက်တွင် ဖော်ပြထားသည်။
လက်ရှိတွင် မြဝတီ – ဝေါ်လေကားလမ်းတလျှောက် ဝေါလေ ဗျူဟာ၊ ဥကရစ်ထ၊ သေ့ဘောဘိုးစသည့် စစ်ကောင်စီတပ်စခန်းများ ကျန်ရှိပြီး ဝေါ်လေအကျော်တွင် မော်ခီး၊ ထီးကပလယ် စသည့်စခန်းများ ကျန်ရှိနေသေးသည်ဟု စစ်ရေးသတင်းရင်းမြစ်များထံမှ သိရသည်။
ဓါတ်ပုံ − ကနဲလေးတပ်စခန်းမှ သိမ်းပိုက်ရရှိသော လက်နက်ခဲယမ်းများ (KNU) 
