၂၀၂၅ ခုနှစ်၊ ဧပြီလ ၅ ရက်တွင် နှစ် ၄၀ ပြည့်မြောက်ခဲ့သော ကရင်အမျိုးသမီးအစည်းအရုံး(Karen Women’s Organization – KWO) ၏ နှစ်ပတ်လည်အခမ်းအနားကို ကရင်အမျိုးသားအစည်းအရုံးထိန်းချုပ်နယ်မြေအတွင်း ကျင်းပခဲ့သည်။
အဆိုပါ အခမ်းအနားတွင် မိတ်ဖက်အဖွဲ့အစည်း ၅၄ ဖွဲ့နှင့် သက်ဆိုင်ရာအဆင့်အလိုက် ၁၀နှစ်အထက်ပါဝင်ခဲ့သူ အမျိုးသမီး ၄၉ ဦးအား ဂုဏ်ပြုခြင်းများပြုလုပ်ခဲ့သည်။
KWO အဖွဲ့ကို ၁၉၄၉ ခုနှစ်တွင် စတင်တည်ထောင်ခဲ့ပြီး ၁၉၈၅ ခုနှစ်တွင် ပြန်လည်ဖွဲ့စည်းခဲ့ကာ ယခုအခါ ကေအဲန်ယူ-ထိန်းချုပ်နယ်မြေနှင့် ထိုင်း-မြန်မာနယ်စပ်ရှိ ဒုက္ခသည်စခန်းများမှ အမျိုးသမီး ၇၀,၀၀၀ ကျော် ပါဝင်သည့် အဓိကတိုင်းရင်းသားအမျိုးသမီးအဖွဲ့တစ်ခု ဖြစ်လာခဲ့ပါသည်။
KWO ၏ လုပ်ငန်းများတွင် အဓိကကဏ္ဍ ၄ ခု ပါဝင်ပြီး အဖွဲ့ဖွဲ့စည်းခြင်းနှင့် အချက်အလက်မျှဝေခြင်း၊ ပညာရေးဆိုင်ရာအစီအစဉ်များ၊ ကျန်းမာရေးဆိုင်ရာ အစီအစဉ်များနှင့် လူမှုဖူလုံရေးဆိုင်ရာ အစီအစဉ်များလုပ်ဆောင်လျက်ရှိသည်။
KWO ၄၀နှစ်ပြည့်နှစ်ပတ်လည်အခမ်းအနားကို ကေအဲန်ယူ-ထိန်းချုပ်နယ်မြေနှင့် ထိုင်းနိုင်ငံရှိ ဒုက္ခသည်စခန်း ၇ ခုမှ လူဦးရေ ၅၀၀ ကျော် တက်ရောက်ပြီး သုံးရက်ကြာကျင်းပခဲ့သည်။
ဓါတ်ပုံနှင့် ကိုးကား – Karen Environmental and Social Action Network (KESAN)
