ဧပြီလ ၂ ရက် ညနေပိုင်းတွင် စစ်ကောင်စီသည် မူတြော်ခရိုင်၊ ဒွယ်လိုးမြို့နယ်၊ လေးဖိုးထာအုပ်စု၊ နဲကကျေးရွာသို့ လေယာဉ်ဖြင့် ဗုံးကြဲတိုက်ခိုက်ခဲ့ရာ ကလေးငယ်နှစ်ဦးသေဆုံးခဲ့ပြီး ၃ ဦး ဒဏ်ရာရရှိခဲ့သည်ဟု ကရင်အမျိုးသားအစည်းအရုံး(KNU)က သတင်းထုတ်ပြန်ခဲ့သည်။
စစ်ကောင်စီသည် လေယာဉ်တစ်စီးဖြင့် ဗုံးသုံးလုံးကြဲချခဲ့ရာ ၃ လအရွယ် ယောကျ်ားလေးတစ်ဦးနှင့် အသက်၁၂ အရွယ်၊ မိန်းကလေးတစ်ဦးတို့သေဆုံးခဲ့ရသည်ဟု ဓါတ်ပုံမှတ်တမ်းနှင့်တကွ ထုတ်ပြန်ခဲ့သည်။
အခြားကလေးငယ်တစ်ဦးနှင့် ပြည်သူနှစ်ဦးပါ ထိခိုက်ဒဏ်ရာရရှိခဲ့ပြီး နေအိမ် ၃လုံးပျက်စီးခဲ့သည်ဟု ဖော်ပြထားသည်။
မြေပြင်အခြေအနေများအား သုတေသနပြုလုပ်နေသော သတင်းအဖွဲ့အစည်း DVB ၏ သတင်းထုတ်ပြန်ချက်တွင် ငလျင်လှုပ်ခတ်နေသော မတ်လ ၂၈ မှ ဧပြီလ ၃ ရက်အတွင်း စစ်ကောင်စီသည် လေကြောင်းတိုက်ခိုက်မှု ၆၈ ကြိမ်ပြုလုပ်ခဲ့သောကြောင့် ပြည်သူနှင့် PDF တပ်ဖွဲ့ဝင် ၅၈ ယောက်သေဆုံးခဲ့ရသည်ဟု ဖော်ပြထားသည်။
ဓါတ်ပုံ – ဗုံးကြဲတိုက်ခိုက်ခံရသော ဒေသခံနေအိမ်များ(ပုံဟောင်း – KNU)
