ရှမ်းပြည်နယ်မြောက်ပိုင်း၊ နောင်ချိုမြို့ကို စစ်ကောင်စီတပ်က လေကြောင်းတိုက်ခိုက်ခဲ့သည့်အတွက် ကိုရင် ၈ ပါးအပါအဝင် ဒေသခံ ၁၄ ဦးသေဆုံးခဲ့သည်ဟု ဒေသခံများထံကသိရသည်။
နောင်ချိုမြို့၊ စိန်ရတနာ ပရိယတ္တိစာသင်တိုက်ကို စစ်ကောင်စီတပ်က ဂျက်ဖိုက်တာဖြင့် ယနေ့ ညနေ (၅း၃၀)နာရီအချိန်တွင် ဗုံး (၄)လုံးနှင့် စက်သေနတ်များ လာရောက်ကြဲချ ပစ်ခတ်တိုက်ခိုက်ခဲ့ခြင်းဖြစ်သည်။
အဆိုပါတိုက်ခိုက်မှုကြောင့် ကိုရင် ၈ပါး ဦးဇင်း ၁ပါး အမျိုးသမီး ၃ဦး ၊ အမျိုးသား ၂ဦး စုစုပေါင်း ၁၄ဦး သေဆုံးခဲ့ပြီး ပြည်သူလူထုအများအပြား ထိခိုက်မှုရှိသည့်အပြင် နေအိမ်နှင့် ကျောင်းဆောင်လည်း အများအပြား ထိမှန်ပျက်စီးခဲ့သည်။
