သံလွင်ခက်
သြဂုတ် ၂၂၊ ၂၀၂၄
ထိုင်းနိုင်ငံ၊ ဘန်ကောက်မြို့မှာ ကျင်းပမဲ့ One ဖရိုက်ဒေးနိုက်မွေထိုင်းလက်ဝှေ့ပြိုင်ပွဲမှာ မြန်မာနိုင်ငံကစားသမား ငါးဦးဟာ ထိုင်း၊ ဂျပန်နိုင်ငံသားတွေနဲ့ ဖလိုင်းဝိတ်တန်းမှာ ယှဉ်ပြိုင်ထိုးသတ်သွားဖို့ရှိနေပါတယ်။
လာမဲ့ သြဂုတ် ၂၃ ရက် (မနက်ဖြန်ည)၊ မြန်မာစံတော်ချိန် (၇ နာရီဝန်းကျင်) မှာ ဒုတိယခေါင်တွဲအနေနဲ့ သန့်ဇင်က Vs တိုင်၊ သွေးလင်းထက် Vs ဂန်ချိုင်း၊ အဲမွီ Vs ရီတိုတာကာဇိုနို၊ စစိုးသီဟ Vs မာဆာတိုရှီဟရိုင်နဲ့ ဆူလိုင်မန်း ခေါ် ထွန်းမင်းနိုင် Vs ခေါပီတို့ ယှဉ်ပြိုင်သွားကြမှာဖြစ်ပါတယ်။
ဝမ်းဖရိုက်ဒေးနိုက်မွေထိုင်းလက်ဝှေ့ပြိုင်ပွဲမှာ မြန်မာနိုင်ငံကစားသမား ငါးဦးအထိ အများဆုံး ပါဝင်လာတာဟာ ပထမဦးဆုံး အကြိမ်ဖြစ်ပါတယ်။
