စစ်ကောင်စီတပ်သည် ပဲခူးတိုင်း ပြည်ခရိုင် ပေါင်းတည်မြို့နယ်၊ သစ်ပုတ်အုပ်စု၊ လက်ပံခုန်ရွာအနီးရှိ နေရာကို မတ်လ ၂၃ ရက် ည ၁၁ နာရီ ၄၈ မိနစ်တွင် လေကြောင်းတိုက်ခိုက်မှုပြုလုပ်ခဲ့သည်။
နေပြည်တော်လေတပ်စခန်းမှထွက်လာသော Jet Fighter နှစ်စီးဖြင့် တစ်ကြိမ်လျှင်ဗုံးသီး (၅) လုံးစီ( ၅)ကြိမ်ကျဲချတိုက်ခိုက်ခဲ့သည့်အတွက် ပြည်သူတစ်ဦးနှင့် ပြည်သူ့ကာကွယ်ရေးတပ်ဖွဲ့ဝင် တစ်ဦးသေဆုံးခဲ့သည်ဟု ပေါင်းတည်မြို့နယ်ပြည်သူ့ကာကွယ်ရေးတပ်ဖွဲ့(PPDF၃၆၀၁တပ်ရင်း) စစ်ထောက်လှမ်းရေးနှင့် သတင်းပြန်ကြားတာဝန်ခံ ရဲဘော် Shadowက ပြောသည်။
ထို့ပြင် ပြည်သူအပါအဝင် ရဲဘော် ၁၁ ဦးခန့်ထိခိုက်ဒဏ်ရာရရှိခဲ့သည်ဟု ပေါင်းတည်မြို့နယ်ပြည်သူ့ကာကွယ်ရေးတပ်ဖွဲ့(PPDF၃၆၀၁တပ်ရင်း)ထံက သိရသည်။
ပြီးခဲ့သည့် မတ်လ ၂၄ ရက်တွင်လည်း ပေါင်းတည်မြို့နယ်အတွင်းကို လေကြောင်းဖြင့် ဗုံးကျဲခြင်း၊ စက်တပ်လေထီးများဖြင့် ဗုံးကြဲခြင်းများ ပြုလုပ်ခဲ့သည်ဟု ဒေသခံများထံက သိရသည်။
