လွိုင်ကော် PDF က တပ်သားသစ်ခေါ်ယူနေ
*****
သံလွင်ခက်
ဧပြီ ၁ ၊ ၂၀၂၄။
စစ်ကောင်စီလက်အောက်၌ စစ်မှုမထမ်းလိုသူများအတွက် လွိုင်ကော်မြို့နယ်၊ ဒေသခံပြည်သူ့ကာကွယ်ရေးတပ်၊ တပ်ရင်းအမှတ် ၃ – Loikaw Local PDF Alpha – 3 က တပ်သားသစ်ခေါ်ယူသွားမည်ဟု ယနေ့တွင် ထုတ်ပြန် သည်။
လွိုင်ကော်ဒေသခံများကို ဦးစားပေးခေါ်ယူသွားမည်ဖြစ်ပြီး တခြားဒေသကလူငယ်များကိုလည်း ဖိတ်ခေါ်သည်ဟု Loikaw Local PDF Alpha – 3 ၏ တပ်သားသစ်ခေါ်ယူရေး တာဝန်ခံက သံလွင်ခက်သတင်းဌာနကို ပြောကြား သည်။
၎င်းက ” လွိုင်ကော် ဒေသခံတွေကို ဦးစားပေး ခေါ်မှာပါ။ တစ်ခြားမြို့ကသူတွေလည်း ဖိတ်ခေါ်ပါတယ်။ ကျွန်တော်တို့မြို့ကို ကာကွယ်ပါမယ်။ စစ်ကောင်စီကစစ်မှုထမ်းခေါ်နေတော့ ကျွန်တော်တို့နဲ့ ပူးပေါင်းချင်နေတဲ့ လူငယ်တွေများစွာရှိပါတယ်။ ကျွန်တော်တို့နဲ့အတူတူ တော်လှန်ရေးလုပ်ရမယ့်အချိန် အခွင့်အရေးပါဗျ” ဟု ဆိုသည်။
တပ်သားသစ်ခေါ်ယူရာတွင် လူဦးရေကန့်သတ်ထားခြင်းမရှိဘဲ ယခုသင်တန်းသည် သင်တန်းအပတ်စဉ် ၃ လည်း ဖြစ်သည်။
ဓာတ်ပုံ – Loikaw Local PDF Alpha – 3
ပုံစာ – Loikaw Local PDF Alpha – 3 တပ်ဖွဲ့ဝင်များ။
************
Telegram– > https://t.me/newstlk/4083
YouTube – > https://youtu.be/6X9AvN2FnIw?si=BGNM7eyxs7ZtJG7d
Website – > https://thanlwinkhet.net/?p=8825
