ထီးကပလယ်စခန်းက တပ်ဖွဲ့ဝင်များ လက်နက်ချရန် အချိန်ပေးထား

ထီးကပလယ်စခန်းက တပ်ဖွဲ့ဝင်များ လက်နက်ချရန် အချိန်ပေးထား

*******

နန်းဆုပန်ခန့်

မတ် ၂၈၊ ၂၀၂၄။

ကရင်ပြည်နယ်၊ ဒူးပလာယာခရိုင်၊ တပ်မဟာ ၆ နယ်မြေ၊ ကော့ကရိတ်မြို့နယ် မြဝတီမြို့တောင်ဘက်ရှိ ထီးကပလယ်စခန်းက စစ်ကောင်စီတပ်သားများအား ကရင်ပူးပေါင်းတပ်ဘက်က လက်နက်ချရန်ပြောသော်လည်း လက်မခံဘဲ လေကြောင်း၊ လက်နက်ကြီးများဖြင့် ပြန် လည်ခုခံနေသည်ဟု ပူးပေါင်းတပ်ဖွဲ့ဝင်များထံက သိရသည်။

ထီးကပလယ်စခန်းရှိ စစ်ကောင်စီတပ်ရင်းမှူးထံသို့တယ် လီဖုန်းဖြင့် သတိပေးပြောဆိုခဲ့သော်လည်း စစ်ကောင်စီဘက်က လေကြောင်းများဖြင့် ပြန်လည်ခုခံတိုက်ခိုက်နေသည်ဟု KTLA အထူးကွန်မန်ဒို တပ်ရင်းမှူး ဗိုလ်စလုံး က သံလွင်ခက်ကိုပြောသည်။

၎င်းက “ ကျွန်တော်ရောက်လာတဲ့ ပထမတစ်ရက်ကတော့ သူတို့တပ်ရင်းမှူးနဲ့ စကားပြောနေရတယ်။ လာပူးပေါင်းပါ၊ NUG ဘက် PDF ခေါင်းဆောင်ဘက်ကလည်း မင်းတို့ကို အကောင်းဆုံးစောင့်ရှောက်ပေးမယ်၊ စားဖို့ သောက်ဖို့ နေဖို့ ထိုင်ဖို့ အကောင်းဆုံးဆောင်ရွက်ပေးမယ်၊ စကား ပြောထားတာပဲ။ တကယ်နောင်တမရဘူးဆိုရင်လည်း ကျွန်တော်တို့ဘက်ကတော့ တိုက်ရမှာပဲ။ ဒါပေမယ့် သူတို့ဘက်ကတော့ ကြည့်ရတဲ့ပုံကတော့ နောင်တမရဘူးထင်တယ်။ လေယာဉ်နဲ့လာကြဲတယ်။ ကျွန်တော်တို့ကိုတစ်ခေါက်ပြီးတစ်ခေါက်လာကြဲတယ်” ဟု ဆိုသည်။

ထီးကပလယ်စခန်းတွင် စစ်ကောင်စီ၏ ခလရ – ၃၂ နှင့် ခမရ – ၅၈၅ တပ်တို့ အခြေချတပ်စွဲထားပြီး အင်အား ၅၀ ကျော်ရှိသည်ဟု တော်လှန်တပ်ဖွဲ့များထံက သိရသည်။

ယခုလက်ရှိအချိန်တွင်တော့ တော်လှန်ရေးတပ်များနှင့် ပူးပေါင်းရန် စစ်ကောင်စီတပ်ဖွဲ့အား အချိန်‌ပေးထားသည်ဟု ဗိုလ်စလုံးက ပြောသည်။

၎င်းက “ သူတို့ကိုတော့ အချိန်ပေးသေးတယ်။ ပြန်လာပူးပေါင်းဖို့၊ လက်နက်ချဖို့။ ပူးပေါင်းရင်လည်း သူတို့ဒုက္ခမရောက်ဘူးလေ။ အခုအချိန်မှာ သူတို့ဒုက္ခရောက်နေတာတော့ နားလည်ပေးတယ်။ လူသားအချင်းချင်း အတူတူပဲလေ။ သူတို့ တကယ်လက်နက်မချဘူး၊ မပူးပေါင်းဘူးဆိုရင်တော့ အမြစ်ဖြတ်ပါမယ်။ သူတို့လည်း ငါမသေ ငါ့စခန်းမကျရ၊ ငါတို့ မဟာမိတ်ပူးပေါင်းတပ်တွေကလည်း ထီးကပလယ်စခန်းမကျရင် အိမ်မပြန်ဘူးလေ။ စမ်းကြည့်တာပေါ့“ ဟု ဆိုသည်။

ထီးကပလယ်စခန်းကို ကရင်ပူးပေါင်းတပ်များက လက် နက်ချရန်ပြောဆိုခဲ့ပြီး  KNLA တပ်ရင်း – ၁၀၃ တပ်ရင်း မှူး ဒုတိယဗိုလ်မှူးကြီး စောသေဂေးနှင့် KNDO တပ်ရင်း ၈ တပ်ရင်းမှူး ဒုတိယဗိုလ်မှူးကြီးစောအယ်မြထူး တို့က ဝေါလေ၊ စုကလိထစခန်းရှိ ခမရ – ၅၆၀ က တပ်ရင်းမှူး ဒုတိ ယဗိုလ်မှူးကြီး သူရိန်ဦး အား လက်နက်ချပူးပေါင်းရန် ယမန်နေ့တွင် သတိပေးခဲ့သည်။

စခန်းသိမ်းတိုက်ပွဲကာလတွင် ပူးပေါင်းတပ်ဘက်က စခန်းကုန်းပေါ်အထိ တက်ရောက်တိုက်ခိုက်နိုင်ခဲ့သော် လည်း စစ်ကောင်စီ ဝေါလေဗျူဟာကုန်းကနေ ၁၂၂ မမ ဟောင်ဝစ်ဇာအမြောက်ကြီးများဖြင့် ပစ်ခတ်ခဲ့သည့်အပြင် လေကြောင်းတိုက်ခိုက်မှုပါ ၅ ကြိမ်တိုင် တိုက်ခိုက် ခဲ့သည့်အတွက် စခန်းအပြီးသိမ်းပိုက်ရန် ခက်ခဲသည့်အနေအထားတွင်ရှိသည်ဟု KTLA ဘက်က ယမန်နေ့တွင်ထုတ်ပြန်ပြောဆိုလာသည်။

ယနေ့တွင် ပူးပေါင်းတပ်ဖွဲ့ဘက်က စစ်ရေးလှုပ်ရှားမှုကို ရပ်တန့်ထားပြီး စစ်ကောင်စီတပ်ဖွဲ့များလက်နက်ချကြရန်ကမ်းလှမ်းထားပြီး စောင့်ကြည့်နေဆဲဖြစ်သောကြောင့် စစ်တပ်ဘက်ကလည်း လက်နက်ကြီးပစ်ခတ်မှုမရှိဟု ဗိုလ်စလုံးက ဆက်ပြောသည်။

“ဒီနေ့ ကျွန်တော်တို့ဆီမှာတော့ လေယာဉ်၊ လက်နက်ကြီးနဲ့ ပစ်တာမရှိဘူး။ ကျွန်တော်တို့ကလည်း ဒီနေ့ စစ်ရေးလှုပ်ရှားမှုတွေမရှိသေးဘူး။ အခြေအနေတွေစောင့်ကြည့်တယ်။ သူတို့ ဖုန်းဆက်လာမလား။ လက်နက်လာချမလား။ ပူးပေါင်းမလားပေါ့” ဟုဆိုသည်။

အဆိုပါစခန်းကို မတ်လ ၁၂ရက်ကစတင်၍ ယနေ့ မတ်ဘလ ၂၈ ရက်အထိ KTLA ၏ Black Rainbow တပ်ရင်း၊ Tiger တပ်ရင်း၊ ကဆောဝါးတပ်ရင်း၊ KTLA အထူးကွန် မန်ဒိုတပ်ရင်း ၊ Karen Special Black Forces တပ်ရင်းနှင့် ဗဟိုဌာနချုပ်တို့ပါဝင်သော ဗျူဟာစစ်ကြောင်း ၂  ကြောင်း၊ KNLA ၁၀၃ တပ်ရင်းနှင့် DKBA ခွဲထွက်တို့က ပူးပေါင်းတိုက်ခိုက်နေခြင်းဖြစ်သည်။

ယခုမတ်လအတွင်း ကရင်အမျိုးသားအစည်းအရုံး – KNU၊ တပ်မဟာ ၆ နယ်မြေရှိ စစ်ကောင်စီတပ်စခန်းများဖြစ်သော ခမရ – ၃၅၅ အပြင် ခမရ – ၃၅၅ အနီးရှိ တာဝါတိုင်ကုန်း၊ ခမရ – ၃၅၆ ၊ သင်္ဃန်းညီနောင်ရဲစခန်း၊ ဖလူးစခန်း၊ ကျိုက်ဒုံဗျူဟာကုန်း၊ မဲသရောထစခန်းနှင့် ရေတလျောက်စခန်း၊ ကော့ဘိန်းနယ်မြေရဲစခန်းများကို ကရင်အမျိုးသားလွတ်မြောက်ရေးတပ်မတော် – KNLA ၊ ပြည်သူ့ကာကွယ်ရေးတပ်မတော် – PDF နှင့် ကာကွယ်ရေးပူး ပေါင်းတပ်များက သိမ်းပိုက်နိုင်ခဲ့သည်။

ပုံစာ – KTLA တပ်ဖွဲ့ဝင်တစ်ဦး။

************

Telegram– > https://t.me/newstlk/4039

YouTube – > https://youtu.be/6X9AvN2FnIw?si=BGNM7eyxs7ZtJG7d

Website – >   https://thanlwinkhet.net/?p=8767