သံလွင်ခက်
ဇန်နဝါရီ ၉ ၊ ၂၀၂၄။
နိုင်ငံတွင်း၌ တိုက်ပွဲများအဆက်မပြတ်ဖြစ်ပွားနေသည့်အတွက် သန်းခေါင် စာရင်းကောက်ယူခဲ့မည်ဆိုပါက တိကျသေချာသောအရေအတွက်နှင့် အချက် အလက်များရနိုင်မည်မဟုတ်ဟု ပြည်တွင်း၊ ပြည်ပပညာရှင်များက စိုးရိမ်နေကြသည့်တိုင် ၂၀၂၄ ခုနှစ်အတွင်း ပြည်လုံးကျွတ်သန်းခေါင်စာရင်းကောက်ယူသွားမည်ဖြစ်သည်ဟု စစ်ကောင်စီ က ပြီးခဲ့သောကြာသပတေးနေ့တွင် ထပ်လောင်းပြောကြားလိုက်ပြန်သည်။
၂၀၂၄ ခုနှစ်အတွင်း သန်းခေါင်စာရင်းကောက်ယူရန်စီစဥ်ထားမှုများ တိုးတက်လာသည်ဟု နေပြည်တော်တွင်ကျင်းပခဲ့သည့် ၇၆ နှစ်မြောက်၊ လွတ်လပ်ရေးနေ့အထိမ်းအမှတ်အခမ်းအနားတွင် တပ်မတော်ကာကွယ်ရေးဦးစီးချုပ်၊ ဒုတိယဗိုလ်ချုပ်ကြီး စိုးဝင်း ကပြောကြားခဲ့သည်။
အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင် ၏ လွတ်လပ်ရေးနေ့သဝဏ်လွှာကို ဖတ်ကြားနေစဥ်မှာပဲ ဒုတိယဗိုလ်ချုပ်ကြီး စိုးဝင်း က “မဲဆန္ဒရှင်စာရင်းပြီးမြောက်ဖို့အတွက်ဆိုရင် သန်းခေါင်စာရင်းနဲ့ ဇီဝ ဗေဒဆိုင်ရာအချက်အလက်တွေလိုအပ်တယ်” ဟု ထည့်သွင်းပြောကြားခဲ့သည်။
၂၀၂၁ ခုနှစ် ဖေဖော်ဝါရီအာဏာသိမ်းမှုကစတင်ခဲ့သော နိုင်ငံတော်အရေးပေါ်အခြေအနေအား သက်တမ်းတိုးရန် ဇန်နဝါရီလကုန်ပိုင်းတွင် စစ်ကောင်စီက ထပ်မံဆုံးဖြတ်ရပေဦးမည်။
မြန်မာနိုင်ငံဖွဲ့စည်းပုံအခြေခံဥပဒေအရ အရေးပေါ်အခြေအနေကြေညာပြီး နောက်ထပ် ၆ လအတွင်း အထွေထွေရွေးကောက်ပွဲကျင်းပရမည်ဟု ဖော်ပြ ထားသည်။
၂၀၂၄ ခုနှစ်အတွင်း သန်းခေါင်စာရင်းကောက်ယူနိုင်ခဲ့လျှင် စစ်ကောင်စီက အရေးပေါ်အခြေအနေကိုရုတ်သိမ်းပြီး အထွေထွေရွေးကောက်ပွဲကျင်းပရပေလိမ့်မည်။
သို့သော် တရားမျှတမှု၊ ပွင့်လင်းမြင်သာမှုနှင့် ပြည်သူအားလုံးပါဝင်နိုင်ခြင်းမရှိသော စစ်ကောင်စီ၏ သန်းခေါင်စာ ရင်းကောက်ယူခြင်းနှင့် ရွေးကောက်ပွဲလုပ်ငန်းစဥ်များအပေါ် မြန်မာပြည်သူများက စိတ်ဝင်စားခြင်းမရှိပါ။
Ref: Nikkei Asia
Photo – Nikkei Asia
ပုံစာ – ပြည်လုံးကျွတ်သန်းခေါင်စာရင်းကောက်ယူမည်ဟု ထပ်မံပြောဆိုခဲ့သော ဒုတိယဗိုလ်ချုပ်ကြီး စိုးဝင်း။
*********
အောက်ဖော်ပြပါလင့်များတွင် သတင်းမှန်များ လွတ်လပ်မြန်ဆန်စွာ ဖတ်ရှုနိုင်ပါပြီ။
Telegram – > https://t.me/newstlk/2911
YouTube- > https://youtu.be/SpxIBpTYop8
Website _> https://thanlwinkhet.net/?p=6881
