အမီးလေး
ပြည်ပနိုင်ငံများတွင် မြန်မာနိုင်ငံသားများ ဖမ်းဆီးခံရမှု ဖေဖော်ဝါရီလ တစ်လတည်းတွင် ၁၆၈၀ ဦးရှိပြီး ထိုင်းနိုင်ငံမှ အများဆုံးဖမ်းဆီးခံရသည်ဟု Spring Revolution Database-SRD အဖွဲ့မှ တာဝန်ရှိ သူကပြောသည်။
ထိုင်းနိုင်ငံတွင် ဖမ်းဆီးခံရသူ ၈၄၅ ဦး၊မလေးရှားနိုင်ငံတွင် ၈၃၄ ဦး နှင့် တရုတ်နိုင်ငံတွင် ၁ ဦးတို့ ဖမ်းဆီး ခံခဲ့ရပြီး ယင်းထဲတွင် အမျိုးသား ၄၁၉ ဦး၊အမျိုးသမီး ၁၇၅ ဦး တို့ ပါဝင်သည်ဟု ဖြစ်သည်ဟု ၎င်းက ဆက် ပြောသည်။
ယင်းသို့ ထိုင်းနိုင်ငံတွင် ဖမ်းဆီးခံရသူများထဲမှ ၂၀၀ ဦးအား ထိုင်း-မြန်မာနယ်စပ် ရနောင်း-ကော့သောင်းသို့ ပြန်ပို့ခဲ့ပြီး ကော့သောင်းမြို့ အခြေစိုက် ခမရ (၂၆၂) သို့ ပို့လိုက်ကြောင်း SRD မှာတာဝန်ရှိသူ ကအ တည်ပြုပြောသည်။
“ဖေဖော်ဝါရီလထဲမှာတော့ ဖမ်းပြီး ပြန်ပို့တဲ့ဖြစ်စဉ်တစ်ခုရှိပါတယ်၊ရနောင်း-ကော့သောင်းက နေပြန်ပို့ တာပါ၊ကော့သောင်းအခြေစိုက် ခမရ ၂၆၂ ကိုခေါ်သွားတယ်လို့သတင်းရပါတယ်။” ဟုဆိုသည်။
ထိုင်းနိုင်ငံ၏မြို့တော် ဘန်ကောက်မြို့တွင် ၁၀ ဦးဖမ်းဆီးခံခဲ့ရပြီး ဒုတိယမြို့တော်ဖြစ်သည့် ချင်းမိုင် မြို့ တွင် ၁၉ ဦးဖမ်းဆီးခံခဲ့ရပြီး အများဆုံးဖမ်းဆီးခံရသူများမှာ ဆလန်ဂေါ တွင် ၇၉၀ ဦးဖမ်းဆီးခံခဲ့ရ ကြောင်းသိရသည်။
ဇန်နဝါရီလတွင်လည်း ထိုင်းနိုင်ငံတွင်းဖမ်းဆီးခံရသူ ၈၆၅ဦးရှိခဲ့ပြီးအများစုမှာတရားမဝင်နယ်စပ်ဖြတ်ကျော် ခြင်းကြောင့် ဖြစ်သည်ဟုသိရသည်။
