KNU တပ်မဟာ ၅ ထိန်းချုပ်နယ်မြေအတွင်းရှိ စစ်ကောင်စီစခန်းများကို KNLA တပ်ဖွဲ့ဝင်များက ဝင်ရောက်ပစ်ခတ်တိုက်ခိုက်ခဲ့ရာ စစ်ကောင်စီနှင့်BGF တပ်ဖွဲ့ဝင် ၅ ဦးသေဆုံးသည်ဟု ယနေ့တွင် တပ်မဟာ၅ မူတြော်သတင်းစဥ်ကဖော်ပြထားသည်။
ယခုလ ဇန်နဝါရီ ၈ ရက်၊ နံနက် ၉ နာရီ ၄၀ မိနစ်အချိန်တွင် KNU တပ်မဟာ (၇) ထိန်းချုပ်နယ်မြေ၊ ကဆောဝါးလေး (ဆင်ဖြူကျောက်တောင်) ရှိ စစ်ကောင်စီတပ်ဖွဲ့ဝင်များက သံလွင်မြစ်တဖက်ကမ်းရှိ KNU တပ်မဟာ (၅) ထိန်းချူပ်နယ်မြေ၊ ဘူးသိုမြို့နယ်ထဲကို လက်နက်ကြီးများဖြင့် ပစ်ခတ်ခဲ့သည့်အတွက် မယ်ပကျေးရွာဒေသခံများ၏ လုပ်ငန်းခွင်ထဲကို လက်နက်ကြီးကျည် ကျရော က်ပေါက်ကွဲခဲ့သည်။
စစ်ကောင်စီလက်နက်ကြီးများဖြင့်ပစ်ခတ်ပြီးနောက် နံနက် ၁၁ နာရီအချိန်တွင် ကရင်အမျိုးသားလွ တ်မြောက်ရေးတပ်မတော် KNLA တပ်မဟာ (၅) တပ်ဖွဲ့ဝင်များက လယ်တိုးစစ်ကောင်စီစခန်းကို တစ်ကြိမ်ဝင်ရောက်ပစ်ခတ်ခဲ့သည်။
KNLA တပ်မဟာ (၅) တပ်ဖွဲ့ဝင်များဖက်မှ ထိခိုက်သေဆုံးမှုမရှိပေမဲ့၊ စစ်ကောင်စီတပ်ဖွဲ့ဝင်များ ထိခိုက်သေဆုံးမှုရှိ၊မရှိကိုအတည်မပြုနိုင်သေးဟု မူတြော်သတင်းကဖော်ပြထားသည်။
ထို့ပြင် ဇန်နဝါရီလ ၈ ရက်၊ နံနက် ၉ နာရီ ၁၀ မိနစ်အချိန်တွင် ကရင်အမျိုးသား လွတ်မြောက်ရေး တပ်မတော် KNLA တပ်မဟာ (၅) တပ်ဖွဲ့ဝင်များက စစ်ကောင်စီ BGF ပူးပေါင်းတပ်ဖွဲ့ဝင်များကို (ဝါးဒုနှင့် လယ်ကွဲလ) အကြားတွင်းတစ်ကြိမ်၊ နံနက် ၁၁ နာရီအချိန်တွင် (ခလယ်လူကစယ်တယ်) တွင်တစ်ကြိမ်၊
ည ၈ နာရီအချိန်တွင် (မဲဝိုင်) စခန်းကိုတစ်ကြိမ် ဝင်ရောက်ပစ်ခတ်ခဲ့ရာ စစ်ကောင်စီတပ်ဖွဲ့ဝင် ၂ဦးနှင့် BGF တပ်ဖွဲ့ဝင် ၁ဦးသေဆုံးခဲ့ပြီးသည်။
ထို့နောက်ဇန်နဝါရီလ ၉ ရက်၊နံနက် ၉ နာရီအချိန်တွင် ကရင်အမျိုးသားလွတ်မြောက်ရေးတပ်မတော် KNLA တပ်မဟာ (၅) တပ်ဖွဲ့ဝင်များက စစ်ကောင်စီတပ်ဖွဲ့ဝင်များကို ပလောခီးနှင့်မဲတိုးခီးအကြားတွင်းတစ်ကြိမ်၊ ၁၁ နာရီ၃၀ မိနစ်အချိန်တွင် ခေးထာလူ၊ ကော်ထယ်ဒဲဒေသမှာ တစ်ကြိမ်ဝင်ရောက်ပစ်ခတ်ခဲ့ရာစစ်ကောင်စီ တပ်ဖွဲ့ဝင် ၂ ဦးသေဆုံးခဲ့သည်။
စစ်ကောင်စီစစ်တပ်သည် KNU မူတြော်ခရိုင်၊ တပ်မဟာ (၅) ထိန်းချုပ်နယ်မြေအတွင်း၌ ယခုလတွင် စစ်ရေးလှုပ်ရှားမဖျုများကို ပိုမိုပြုလုပ်လာသည့်အပြင် လေ ကြောင်းတိုက်ခိုက်မှု ၊ လက်နက်ကြီးများဖြင့် ပစ်ခတ်မှုများကိုအဆက်မပြတ်ပြုလုပ်နေသည်။
” ဇန်နဝါရီလ၇ရက်နေ့တနေ့ထဲမှာဘဲတိုက်လေယာဥ်၄စင်းနဲ့ ၇ နေရာကိုလာပစ်သွားတယ်။ မဲဝိုင်ရွာ၊တိုမယ်ခီးရွာ၊ခလိုခီးရွာ၊ ယာဃီထာရွာ၊ ဝါမီခိုရွာ၊ ဒေဘူနိုရွာနဲ့ လယ်ထူဖိုးရွာ အဲဒီ ၇ နေရာကိုလာပစ်သွားတယ် “ဟု ကေအဲန်ယူတပ်မဟာ ၅ သတင်းနှင့်ပြန်ကြားရေးတာဝန်ရှိသူက သံလွင်ခက်ကို ပြောသည်။
စစ်ကောင်စီတပ်၏ ဇန်နဝါရီလ ၇ ရက်နေ့ လေကြောင်းတိုက်ခိုက်မှုတွင် ရွှေတူးဖော်နေသည့် လုပ်ငန်းရှင် မိသားစုများနှင့်အလုပ်သမားများအပါဝင် ပြည်သူ ၆ဦး သေဆုံးခဲ့သည်။ ထို့ပြင် ဆေးပေးခန်းအပါအဝင်နေအိမ်အဆောက်အဦး ၇ လုံးထိမှန်ပျက်စီးခဲ့သည်။
” ဆေးပေးခန်းရယ်လူနာဆောင်ရယ်ထိသွားတယ်။ ဒါပေမဲ့လူမရှိတဲ့အချိန်ဖြစ်လို့လူတော့ထိခိုက်မှုမရှိဘူး။ဆေးတွေတော့အားလုံးနီးပါးလွှင့်စင်ပျက်စီးသွားတယ်” ဟု ဆေးပေးခန်းထိမှန်ခဲ့သည့်ဖြစ်စဥ်အား ၎င်းကဆက်လ က်ပြောကြားသည်။
ကေအဲန်ယူတပ်မဟာ၅ နယ်မြေတွင် နေ့စဉ်နီးပါးထိတွေ့တိုက်ပွဲများဖြစ်ပွါးနေကာပြီးခဲ့သော ဒီဇင်ဘာလအတွင်း ၌တိုက်ပွဲပေါင်း ၁၇၃ ကြိမ်ဖြစ်ပွားခဲ့သည်ဟု မူတြော်သတင်းစဥ်က ဖော်ပြထားသည်။
ပုံစာ – ဇန်နဝါရီ ၇ ရက်နေ့ လေကြောင်းတိုက်ခိုက်မှုမှ ထိခိုက်ပျက်စီးမှုများ
