သေဒဏ်စီရင်ချက်ကို ဂရုမစိုက်ဘဲ ဘင်္ဂလားဒေ့ရှ်သို့ ရှိတ်ဟာဆီနာပြန်လာမည်
ရာထူးမှ ဖယ်ရှားခံခဲ့ရသည့် ဘင်္ဂလားဒေ့ရှ် ဝန်ကြီးချုပ်ဟောင်း ရှိတ်ဟာဆီနာက ၎င်းအပေါ် မျက်ကွယ်သေဒဏ်ချမှတ်ထားမှုကို ပယ်ချလိုက်ပြီး ယခုနှစ်အတွင်း နိုင်ငံသို့ ပြန်လည်ဝင်ရောက်မည်ဟု ပြောကြားလိုက်သည်။ ၂၀၂၄ ခုနှစ် ဩဂုတ်လတွင် အိန္ဒိယနိုင်ငံသို့ ထွက်ပြေးတိမ်းရှောင်ခဲ့ရပြီးနောက်ပိုင်း ၎င်းအနေဖြင့် နိုင်ငံတွင်း ပြန်လည်ဝင်ရောက်မည့် အချိန်ဇယားကို ပထမဆုံးအကြိမ် ထုတ်ဖော်ပြောဆိုခြင်း ဖြစ်သည်။ ဝန်ကြီးချုပ်ဟောင်း ရှိတ်ဟာဆီနာက အဆိုပါ စီရင်ချက်မှာ “တရားမဝင်သလို၊ ဖွဲ့စည်းပုံအခြေခံဥပဒေနဲ့လည်းမညီဘဲ နိုင်ငံရေးအရ လုပ်ကြံဖန်တီးထားခြင်း” ဖြစ်ကြောင်း ရှုတ်ချခဲ့သည်။ အသက် ၇၈ နှစ်အရွယ် ရှိတ်ဟာဆီနာသည် ၂၀၂၄ ခုနှစ် ဩဂုတ်လက ကျောင်းသားများဦးဆောင်သည့် လူထုအုံကြွမှုကြောင့် အာဏာလက်လွှတ်ခဲ့ရပြီး အိန္ဒိယနိုင်ငံသို့ ထွက်ပြေးတိမ်းရှောင်ခဲ့ရသည်။ ဟာဆီနာက အိန္ဒိယရုပ်သံလိုင်းတစ်ခုဖြစ်သော NDTV နှင့် ပြုလုပ်ခဲ့သည့် အင်တာဗျူးတွင် မိမိအနေဖြင့် မည်သည့်အန္တရာယ်ကိုမျှ ကြောက်ရွံ့ခြင်းမရှိဘဲ…